Búðu til notandalýsingu

Eftir að þú sækir um og gjaldgengi þitt hefur verið staðfest getur þú lokið við notandalýsingu á þjónustuverkvangi reyndra samgestgjafa. Þegar notandalýsingin þín hefur verið birt geta gestgjafar í nágrenninu sem eru í leit að aðstoð tengst þér beint.

Notendalýsingin þín er besta markaðsetningartólið þitt. Þessi fimm skref geta hjálpað þér að vera með heillandi notandalýsingu:

1. Bættu við mynd af þér. Góð notandalýsing byggir á frábærri mynd. 

2. Veldu skjánafnið þitt. Við mælum með því að nota eingöngu eiginnafnið þitt.

3. Fylltu út æviágripið þitt. Kynntu þig og nálgun þína á gestaumsjónina. Lýstu þjónustu þinni, færni og því sem hvetur þig áfram.

4. Settu inn staðlað þjónustugjald. Það er undir þér komið að velja gjaldið sem samið verður um við hvern gestgjafa fyrir sig.

5. Veldu þjónustusvæði þitt. Bættu við stöðum þar sem þú getur veitt samgestgjafaþjónustu.

„Ég vil frekar vinna með eignir í minna en 15 mínútna fjarlægð frá heimili mínu þar sem ég tek mjög beinan þátt“, segir Katie Kay, meðlimur í ráðgjafaráði gestgjafa í Lake Arrowhead, Kaliforníu. „Ég skoða hverja skráningu mörgum sinnum í viku og því skiptir þetta miklu máli.“  

Árangursríkustu notandamyndirnar hafa tilhneigingu til að eiga þessa eiginleika sameiginlega:

• Eina manneskjan á myndinni ert þú, fyrir miðju rammans

• Þær eru teknar á skammsniði og hafa svigrúm til að klippa myndina til

• Þær eru teknar með einföldum bakgrunni og náttúrulegri birtu (skuggi utandyra virkar vel)

• Eru í góðum gæðum (meira en 800 pixlar)

• Eru ekki sjálfsmyndir (biddu einhvern um að taka myndina fyrir þig eða notaðu tímastillingu)

Til að hafa þetta einfalt skaltu forðast flasslýsingu, bakljós, kennimerki og of breiðar myndir.

Svona geta gestgjafar á þínu svæði fundið þig:

1. Á aðalsíðu reyndra samgestgjafa pikka gestgjafar á eða smella á hnappinn „finna samgestgjafa nálægt þér“ og fylla út heimilisfang skráningarinnar.

2. Ef þú ert nálægt geta gestgjafar fundið notandalýsinguna þína, þar á meðal nafn þitt, ljósmynd, æviágrip og gjald.

3. Gestgjafar senda einum eða fleiri reyndum samgestgjöfum skilaboð til að biðja um aðstoð.

Airbnb notar einnig stafrænar herferðir og markpósta til að láta gestgjafa vita af reyndum samgestgjöfum.

Upplýsingarnar í þessari grein gætu hafa breyst frá birtingu.