Það sem ofurgestgjafar ættu að vita um eignir í uppáhaldi hjá gestum

Athugasemd ritstjóra: Þessi grein var birt sem hluti af vetrarútgáfu Airbnb 2023. Upplýsingar gætu hafa breyst frá fyrstu birtingu. Frekari upplýsingar um nýjustu útgáfu okkar.

Airbnb heldur utan um yfir sjö milljónir heimila um allan heim. Hvert heimili er einstakt sem er einmitt það sem greinir Airbnb frá öðrum. Gestir hafa þó sagt okkur að allir þessir valkostir geri þeim erfitt fyrir að vita hverju þeir ganga að. Það er ástæða þess að margir kjósa frekar hótel og er stærsti þátturinn sem kemur í veg fyrir að þeir bóki á Airbnb.

Ein besta leiðin til að finna frábæra gistiaðstöðu er að vita hvaða heimili eru vinsælust meðal annarra gesta. Það er ástæða þess að við kynnum eignir í uppáhaldi hjá gestum.

Eignir í uppáhaldi hjá gestum telja tvær milljónir vinsælustu heimilanna á Airbnb, samkvæmt gestum.

Eignir í uppáhaldi hjá gestum miðast við einkunnir, umsagnir og gögnum varðandi áreiðanleika frá meira en hálfum milljarði ferða. Eignir í uppáhaldi hjá gestum eru uppfærðar daglega þannig að ef eignin þín kemur ekki fram núna gæti hún gert það fljótlega.

Tekið er tillit til ýmsa þátta sem þurfa að vera til staðar þegar kemur að eignum í uppáhaldi hjá gestum, þar á meðal:

• Minnst fimm umsagnir frá gestum
• Framúrskarandi umsagnir og einkunnir yfir 4,9 stjörnum að meðaltali
• Háar einkunnir úr umsögnum gesta hvað snertir innritun, hreinlæti, nákvæmni, samskipti við gestgjafa, staðsetningu og virði
• Framúrskarandi áreiðanleikaferill með að meðaltali 1% afbókunarhlutfalli af hálfu gestgjafa og tilkynntra gæðavandamála til þjónustuvers

Eignir í uppáhaldi hjá gestum standa til boða um allan heim og það er einfalt að finna þær á Airbnb.

Eignir í uppáhaldi hjá gestum eru sérstaklega merktar í leitarniðurstöðum og á skráningarsíðunni. Einnig er ný sía sem ferðalangar geta nýtt sér til að leita sérstaklega að eignum í uppáhaldi hjá gestum. Gestgjafi mun taka eftir merkinu „í uppáhaldi hjá gestum“ á skráningarsíðunni sinni, ef hún uppfyllir öll skilyrði.

Ofurgestgjafar, sem hafa fengið viðurkenningu fyrir framúrskarandi gestrisni sína, sjá um næstum tvo þriðjunga eigna í uppáhaldi hjá gestum.

Þjónusta ofurgestgjafa Airbnb er ekki að breytast. Viðmið ofurgestgjafa haldast óbreytt og við munum halda áfram að fylgjast með frammistöðu ofurgestgjafa ársfjórðungslega.

Ef þú ert ofurgestgjafi með eign sem er í uppáhaldi hjá gestum verður hvort tveggja merkt á skráningarsíðunni þinni og skráningin þín verður merkt sem „í uppáhaldi hjá gestum“ í leitarniðurstöðum. Ef þú ert ofurgestgjafi með eign sem er ekki enn í uppáhaldi hjá gestum færðu eftir sem áður merki ofurgestgjafa, bæði á skráningarsíðunni þinni og í leitarniðurstöðum.

Hver skráning verður metin fyrir sig hvað varðar gjaldgengi til að fá merkið „í uppáhaldi hjá gestum“.

Kynntu þér eignir í uppáhaldi hjá gestum nánar í einnar klukkustundar vefnámskeiði, næsta desember.

Við munum ræða ýmsar leiðir til að bæta stöðu í leitarniðurstöðum á Airbnb, þar á meðal:

• Kosti þess að vera ofurgestgjafi
• Það sem felst í eignum í uppáhaldi hjá gestum
• Mikilvægi hreinlætis, nákvæmni, staðsetningar og virðis fyrir gesti

Auk þess heyrir þú frá ofurgestgjafa sem er með eignir í uppáhaldi hjá gestum.

Skráðu þig á eitt þessara námskeiða hér að neðan:

• 12. desember kl. 9:00 (að PST-tíma)
• 12. desember kl. 17:00 (að PST-tíma)
• 13. desember kl. 11:00 (að PST-tíma)
• 13. desember kl 16:00 (að PST-tíma)

Bein þýðing verður veitt á hollensku, frönsku, þýsku, ítölsku, japönsku, kóresku, mandarín, portúgölsku og spænsku.