Uppfærsla á stillingum og framboði

Umsjón og eftirfylgni með dagatali og stillingum hinna ýmsu skráninga krefst góðs skipulags. Verkfæri faggestgjafa á Airbnb hjálpa þér að uppfæra margar skráningar í einu.

Með fjöleignadagatalinu getur þú skoðað og haft umsjón með framboðsstillingum allra skráninga þinna frá einum og sama staðnum. Þú getur vakið áhuga fleiri gesta með því að bjóða upp á fjölbreytta valkosti fyrir bókanir. Skráningar sem buðu gistingu sem varði í 28 nætur eða lengur, sem og skammtímagistingu, höfðu að meðaltali 45% hærri tekjur árið 2022 miðað við skráningar sem buðu aðeins skammtímagistingu.*

Hér eru nokkrar stillingar sem gætu bætt stöðu skráninga þinna í leitarniðurstöðum.

• Framboðstímabil: Opnaðu dagatalið þitt í allt að 24 mánuði fram í tímann og bættu við forkaupsafslætti til að tryggja þér nægar bókanir á komandi mánuðum.
• Bókanir samdægurs: Gerðu gestum kleift að bóka á sama degi og innritun fer fram og bættu við afslætti fyrir bókanir á síðustu stundu. Taktu á móti fleiri ferðalöngum, eins þeim sem eru í akstursfjarlægð.
• Lágmarkslengd ferðar: Styttu lágmarksdvölina hjá þér til að skráningarnar þínar komi fram í leitarniðurstöðum fyrir skammtímagistingu og til að fylla í eyður í dagatalinu þínu.
• Hámarkslengd ferðar: Lengdu hámarksdvölina í 28 nætur eða lengur þannig að skráningar þínar birtist í leitarniðurstöðum fyrir lengri dvalir.
  

Langtímagisting er alltaf jafn vinsæl á Airbnb. Bókanir sem vörðu í 28 nætur eða lengur stóðu fyrir 18% allra bókaðra gistinátta í júlí, ágúst og september 2023.**

Í stað þess að opna hverja skráningu fyrir sig getur þú stillt framboð þitt með magnbreytingum á eftirfarandi flokkum:

• Lengd ferðar
• Afsláttur vegna lengd dvalar
• Afbókunarregla

Þú getur einnig stillt aðra hluta skráninga þinna með magnbreytingum á eftirfarandi flokkum:

• Þægindi
• Tegund eignar
• Þóknanir og gjöld
• Staðsetning
• Innritunarmáti
• Almennar húsreglur
• Upplýsingar um staðsetningu
  

Svona gerir þú magnbreytingar:

1. Gakktu úr skugga um að þú hafir aðgang að verkfærum faggestgjafa, en þau eru aðeins í boði úr tölvu.

2. Opnaðu skráningar og veldu allar skráningarnar sem þú vilt breyta.

3. Smelltu á breyta.

4. Gerðu breytingarnar og smelltu á vista.

*Miðað við gögn Airbnb um virkar skráningar frá janúar til desember 2022

**Samkvæmt tekjuskýrslu Airbnb fyrir þriðja ársfjórðung 2023

Ef þú notar API-tengdan hugbúnað getur þú notað þessa eiginleika í hugbúnaðinum þínum ef þjónustuveitandi þinn hefur samþætt þá. Ef svo er ekki skaltu hafa samband við þjónustuveitanda þinn til að komast að því hvenær eiginleikarnir verða í boði.

Upplýsingarnar í þessari grein gætu hafa breyst frá birtingu.