Endurbætur á innhólfi til að hafa betri umsjón með samskiptum við gesti

Athugasemd ritstjóra: Þessi grein var birt sem hluti af sumarútgáfu Airbnb 2023. Upplýsingar gætu hafa breyst frá fyrstu birtingu. Frekari upplýsingar um nýjustu útgáfu okkar.

Árangursrík gestaumsjón krefst góðra samskipta við gesti, en þau geta verið tímafrek. Við kynnum tvær uppfærslur sem einfalda samskipti: Lestrarkvittanir og ný hraðsvör.

Þið létuð í ljós að þið vilduð vita hvort gestur hefði fengið skilaboðin frá ykkur. Með lestrarkvittunum geta gestgjafar og gestir nú séð hvort skilaboð þeirra hafi verið lesin.

Þegar þú eða gestir þínir hafið lesið skilaboð sem send eru í gegnum Airbnb appið birtist lestrarkvittun beint fyrir neðan síðustu skilaboð í skilaboðaþráðinum.

Frá og með byrjun júnímánaðar verða stillingar fyrir lestrarkvittanir sjálfgefnar fyrir alla notendur Airbnb. Til að slökkva á lestrarkvittunum opnar þú hlutann fyrir friðhelgi og deilingu úr aðgangsstillingum þínum.

Hraðsvör og tímasett skilaboð spara nú þegar tíma. Nú getur þú bætt handhægu myndkorti sem opnar nýju útritunarleiðbeiningarnar við öll hraðsvör og tímasett skilaboð.

Til að einfalda þér þetta enn frekar erum við að bæta sjálfvirkum tillögum við innhólfið þitt. Svona ganga þær fyrir sig:

• Ef gestur sendir skilaboð til að spyrja um útritun færð þú sjálfvirka tillögu um að senda hraðsvar með hlekk á útritunarleiðbeiningar þínar.

• Hafir þú ekki enn útbúið útritunarleiðbeiningar færð þú sjálfvirka tillögu um að gera það og síðan getur þú deilt þeim sem myndkorti í hraðsvari.

Þessir eiginleikar innhólfsins eru hluti af sumarútgáfu Airbnb 2023 sem felur í sér 25 uppfærslur fyrir gestgjafa. Fáðu forsýn og byrjaðu að nota þessi nýju tól strax í dag.