Svona virkar AirCover fyrir gestgjafa

AirCover fyrir gestgjafa veitir vernd frá A til Ö í hvert sinn sem þú tekur á móti gestum. Innifalið er staðfesting á auðkenni gesta, bókunarskimun, ábyrgðartrygging gestgjafa upp á 1 milljón Bandaríkjadala og eignavernd upp á 3 milljónir Bandaríkjadala sem verndar verðmæti, bíla og báta innan lóðar.

Samfélagið okkar byggir á trausti. Þess vegna þurfa allir bókunargestir að ljúka staðfestingarferli okkar á auðkenni. Þegar við staðfestum auðkenni gests staðfestum við tilteknar persónuupplýsingar, svo sem nafn að lögum, heimilisfang, símanúmer eða aðrar samskiptaupplýsingar.

Þegar gestur hefur verið staðfestur fær hann merki um staðfest auðkenni. Þetta kemur fram á Airbnb undir rauðu gátmerki við hliðina á notandamynd viðkomandi. Auk þess gætum við framkvæmt bakgrunnsathuganir á bandarískum gestum.

Fá frekari upplýsingar um staðfestingu á auðkenni gesta

Samkvæmt reglum okkar um ónæði í nærsamfélaginu eru óleyfileg og truflandi samkvæmi bönnuð. Við notum tækni til að skima bókanir til að framfylgja reglunum og draga úr líkum á samkvæmum sem valda ónæði.

Kerfið skoðar ýmsa þætti, þar á meðal tegund eignarinnar sem verið er að bóka, dvalartíma, fjarlægð eignarinnar frá staðsetningu gestsins og hvort bókunin sé á síðustu stundu ásamt mörgum fleiri vísbendingum, til að ákvarða hvort loka eigi á bókun.

Frekari upplýsingar um bókunarskimun

Í meira en áratug hefur Airbnb boðið gestgjöfum markaðsleiðandi vernd gegn tjóni. Eignavernd gestgjafa, sem er hluti af AirCover fyrir gestgjafa, felur í sér þessa vernd ef gestur greiðir ekki fyrir tjón sem hann veldur á heimili þínu eða munum meðan á dvöl stendur hjá þér:

• 3 milljón Bandaríkjadala eignavernd: Hún nær bæði yfir heimilið og innbúið.
• List- og verðmunavernd: Við veitum vernd fyrir listmuni, skartgripi og safngripi, sem hægt verður að endurgreiða ef þeir verða fyrir tjóni.
• Bifreiða- og bátavernd: Við veitum tjónavernd fyrir bifreiðar, báta og önnur vatnsför sem er lagt eða geymt innan lóðar.
• Vernd gegn tjóni vegna gæludýra: Við greiðum fyrir tjón af völdum gæludýra.
• Djúphreinsun: Við veitum endurgreiðslu fyrir viðbótarþrif, séu þau nauðsynleg, til að fjarlægja bletti og reykingalykt.
• Tekjutapsvernd: Við endurgreiðum þér tekjutap séu staðfestar bókanir á Airbnb felldar niður vegna tjóns af völdum gesta.
• Öryggisaðstoð allan sólarhringinn: Ef þú óttast um öryggi þitt hefur þú aðgang að sérþjálfuðum öryggisfulltrúum, dag sem nótt, með einu pikki úr appinu okkar.

Ef gestur veldur tjóni á eign þinni eða innbúi getur þú (eða samgestgjafi með fulla aðgangsheimild sem kemur fram fyrir þína hönd) opnað úrlausnarmiðstöðina til að senda endurgreiðslubeiðni í nokkrum skrefum og fylgjast með ferlinu frá beiðni til útborgunar. Beiðnin er fyrst send gestinum. Svari gesturinn hvorki né greiðir innan sólarhrings getur þú óskað eftir aðstoð Airbnb. Ofurgestgjafar (með eignir utan Washington-fylkis í Bandaríkjunum) njóta forgangsaðstoðar og fá endurgreitt fyrr.

Ábyrgðartrygging gestgjafa, sem er hluti af AirCover fyrir gestgjafa, verndar gestgjafa ef svo ólíklega vill til að gestur meiðist eða ef munir hans verða fyrir skemmdum eða sé þeim stolið í dvöl hjá þér. Verndin nær einnig yfir einstaklinga sem hjálpa til við gestaumsjónina, svo sem samgestgjafa og ræstitækna.

Myndist lagaleg ábyrgð veitir ábyrgðartrygging gestgjafa vernd vegna eftirfarandi:

• Líkamstjóns gesta (eða annarra)
• Tjóns eða þjófnaðar á munum gesta (eða annarra)
• Tjóns af völdum gesta (eða annarra) á sameign eins og anddyri bygginga og fasteignum í nágrenninu

Ef þú þarft að leggja fram kröfu notar þú einfaldlega skráningareyðublaðið fyrir ábyrgðartrygginguna. Við sendum upplýsingarnar frá þér til óháðs vátryggingafélags sem við treystum sem mun fela fulltrúa sínum að vinna úr kröfunni. Fulltrúinn mun leysa úr kröfunni samkvæmt vátryggingarskilmálunum.

Ef þú ert upplifunargestgjafi nýtur þú verndar ábyrgðartryggingar upplifana.

Frekari upplýsingar um ábyrgðartryggingu gestgjafa

Eignavernd gestgjafa, sem heyrir undir AirCover fyrir gestgjafa, ábyrgðartrygging gestgjafa og ábyrgðartrygging upplifana, gilda hvorki um gestgjafa sem bjóða gistingu eða upplifanir í Japan, þar sem japanska gestgjafatryggingin og japanska upplifunartryggingin gilda, né gestgjafa sem bjóða gistingu í gegnum Airbnb Travel LLC. Fyrir gestgjafa sem bjóða gistingu eða upplifanir á meginlandi Kína gildir gestgjafaverndin í Kína. Hafðu í huga að öll tryggingarmörk eru sýnd í Bandaríkjadölum.

Ábyrgðartrygging gestgjafa og ábyrgðartrygging upplifana eru vátryggðar af utanaðkomandi tryggingarfélögum. Ef þú býður gistingu í Bretlandi eru ábyrgðartrygging gestgjafa og ábyrgðartrygging upplifana vátryggðar af Zurich Insurance Company Ltd. og gerðar upp án nokkurs viðbótarkostnaðar fyrir gestgjafa í Bretlandi, af Airbnb U.K. Services Limited, tilnefndum fulltrúa Aon U.K. Limited, sem er með heimild og undir eftirliti fjármálaeftirlitsins (FCA). Skráningarnúmer Aon hjá breska fjármálaeftirlitinu (FCA) er 310451. Þú getur staðfest upplýsingarnar með því að skoða fjármálaþjónustuskrána eða með því að hafa samband við FCA í síma 0800 111 6768. Reglur hvað varðar ábyrgðartryggingu gestgjafa og ábyrgðartryggingu upplifana samkvæmt AirCover fyrir gestgjafa sæta eftirliti breska fjármálaeftirlitsins. Annar varningur og þjónusta af hálfu Airbnb UK Services Limited eru ekki háð eftirliti. FPAFF609LC

Í ESB hafa þessar reglur verið gerðar upp án nokkurs viðbótarkostnaðar fyrir gestgjafa ESB af Airbnb Marketing Services SLU, utanaðkomandi samstarfsaðila Aon Iberia Correduría de Seguros y Reaseguros, SAU, sem er með heimild og undir eftirliti Autoridad de Control de la Dirección General de Seguros y Fondos de Pensiones, skráð með raðnúmerinu J0170.  

Aon Iberia Correduría de Seguros y Reaseguros SAU starfar sem milliliður fyrir ESB og tekur þátt í tryggingamiðlun í löndum ESB samkvæmt reglum um þjónustufrelsi til að veita þjónustu samkvæmt spænskum lögum um vátryggingastarfsemi, tilskipun um vátryggingastarfsemi og öðrum laga- eða reglugerðarákvæðum. Með fyrirvara um valdsvið gistilandsins þar sem þjónusta tryggingamiðlunar er veitt er aðildarríkið sem ber ábyrgð á eftirliti Aon konungsríkið Spánn og eftirlitsyfirvaldið, aðalskrifstofa vátrygginga og lífeyrissjóða, að Paseo de la Castellana 44, 28046 - Madríd.

Eignavernd gestgjafa er ekki vátrygging og tengist ekki ábyrgðartryggingu gestgjafa. Samningsbundnar skyldur Airbnb samkvæmt eignavernd gestgjafa falla undir vátryggingu sem Airbnb kaupir fyrir skráningar á eignum í Washington-fylki. Þessir skilmálar eignaverndar gestgjafa gilda fyrir gestgjafa með skráða búsetu eða starfsstöð utan Ástralíu. Ef gestgjafar hafa skráða búsetu eða starfa innan Ástralíu er eignavernd gestgjafa háð skilmálum eignaverndar gestgjafa fyrir ástralska notendur.

Upplýsingarnar í þessari grein gætu hafa breyst frá birtingu.