Hvernig útborganir ganga fyrir sig fyrir lengri gistingu

Lengri gisting getur veitt stöðugar tekjur, sérstaklega þegar gestur bókar nokkrar vikur eða mánuði samfleytt. Ef þú ert vanari að bjóða styttri gistingu er mikilvægt að hafa í huga að tímasetning greiðslna fyrir lengri gistingu, eða bókanir sem vara lengur en 28 nætur, er frábrugðin þeirri fyrir styttri gistingu.

Fyrir styttri gistingu sendum við þér greiðslu, eða útborgun eins og við köllum hana, um sólarhring eftir að gesturinn innritar sig. Við sendum þér útborgun með afborgunum fyrir lengri gistingu.

Svona ganga afborganirnar fyrir sig:

• Upphafleg útborgun: Við bókun innheimtum við fyrstu 30 nætur gistingarinnar hjá gestinum og millifærum greiðsluna sólarhring eftir áætlaðan innritunartíma
• Viðbótarútborganir: Eftir upphaflega útborgun eru greiðslur fyrir síðari nætur innheimtar og millifærðar til þín í hverjum mánuði (28-31 dagur) það sem eftir stendur af bókuninni

„Ef bókunin er til dæmis í 45 daga færðu greitt fyrir fyrstu 30 dagana strax eftir innritun gestsins og fyrir eftirstandandi 15 daga einum mánuði eftir að gesturinn innritar sig,“ útskýrir ofurgestgjafinn Deborah frá Berkeley í Kaliforníu.

Þú getur skoðað stöðu útborgana í færsluskránni.

Frekari upplýsingar um útborganir

Nákvæmlega hversu lengi það tekur greiðsluna að berast á reikninginn veltur á útborgunarmáta þínum og banka. Nýir gestgjafar sem samþykkja fyrstu bókun sína geta orðið fyrir seinkun á greiðslu á meðan við staðfestum auðkenni þitt.

Ef þú hefur stillt lágmarksútborgun millifærum við ekki fyrr en tekjurnar hafa náð þeirri upphæð. Heildarupphæðin er yfirleitt greidd í einu lagi ef innritun á sér stað í fleiri en einni eign sama dag.

Þegar við sendum þér fjármuni færist sérlínan fyrir þá útborgun úr óloknum útborgunum í frágengnar útborganir í færsluskránni. Þú getur borið þessa skrá saman við bankayfirlitið þitt til að staðfesta að allt stemmi.

Frekari upplýsingar um útborganir fyrir lengri gistingu