Fyrstu skrefin á Airbnb

Líttu á skráningarlýsinguna sem auglýsingu fyrir eignina þína. Hafðu hana eins heillandi og mögulegt er en greindu samt heiðarlega frá hvers konar sérkennum.

• Byrjaðu á grunninum. Sláðu inn upplýsingar eins og staðsetningu eignarinnar þinnar, tegund hennar og fjölda svefnherbergja og baðherbergja sem gestir hafa aðgang að.
• Taktu myndir af eigninni. Gestir elska að skoða myndir þegar þeir taka ákvörðun um hvar þeir vilji gista. Taktu til svo að myndirnar líti sem best út. Taktu myndir af hverju rými í dagsbirtu og notaðu langsnið þegar þú getur.
• Leggðu áherslu á það sem er einstakt. Hugsaðu um hvað ber af við eignina þína, eins og útsýnið eða sundlaug, þegar þú skrifar skráningartitil og lýsingu. Taktu einnig fram í lýsingunni það sem er mikilvægt að gestir viti af fyrir bókun svo sem hvort það séu stigar og hvar fólk leggur.
  

Næsta skref verður að skipuleggja allt fyrir skráninguna til að gestaumsjónin gangi vel fyrir sig.

• Bættu húsreglum við skráninguna þína. Til að gestir geti áttað sig á væntingum þínum getur þú bætt við reglum fyrir eignina, þar á meðal um takmarkanir á reykingum, gæludýrum eða veisluhaldi.
• Stilltu dagatalið. Ef þú vilt passa að bókanir berist aðeins þegar þú getur tekið á móti gestum skaltu uppfæra framboðið í dagatalinu þínu á Airbnb. Þú getur einnig stillt ítarlega hvað þú þarft langan fyrirvara eða hve langt fram í tímann gestir geta bókað.
  
• Veldu verð á nótt. Þú ræður því alltaf hvað þú tekur fyrir eignina þína en Airbnb býður upp á gagnleg tól eins og snjallverð til að verðið passi við eftirspurn ásamt sérsniðinni verðstýringu fyrir tímabil eins og helgar og tilteknar árstíðir.
• Kynntu þér landslög. Í sumum borgum gilda reglur um heimagistingu, til dæmis um hámarksfjölda gistinátta, skráningarkröfur eða sérstakan skatt. Kynntu þér ábyrga gestaumsjón hér.
  

Hvort sem þú átt von á fyrsta gestinum eða þeim hundraðasta þarftu að gera eftirfarandi til að undirbúa eignina.

• Lagaðu til. Þrífðu hvert herbergi sem gestir hafa til afnota, með áherslu á svefnherbergi, baðherbergi og eldhúsið. Passaðu að ekki sé hár, ryk eða mygla á yfirborðum og gólfum og búðu um rúmið eða rúmin með hreinum rúmfötum.
  
• Geymdu verðmæti á öruggum stað. Ef þú ert með skartgripi, vegabréf eða önnur verðmæti gæti verið gott að geyma þau í læstu herbergi, skáp, öryggisskáp eða geymslu. Þú getur einnig geymt verðmæti hjá fjölskyldu eða vinum.
  
• Kauptu allar nauðsynjar. Gott er að útvega þægindi eins og sápu, hárþvottalög, salernispappír, sængurföt og handklæði svo að gestum líði eins og heima hjá sér. Auk þess er gott að vera með varabirgðir á staðnum.
• Gefðu upplýsingar um innritun. Búðu þig undir að inn- og útrita gesti eða fáðu vini þína og fjölskyldu til að hjálpa til. Þú getur ávallt notað lyklabox eða rafræna læsingu og gefið gestum innritunarleiðbeiningar í Airbnb appinu ef enginn er á staðnum.
• Gakktu frá lausum endum. Gestir kunna að meta hugulsemi. Húsleiðbeiningar með leiðbeiningum og hollráðum hjálpa gestum að ná áttum. Gestum finnst einnig einstaklega vel tekið á móti sér þegar vínflaska eða lítil gjöf bíður þeirra; en það er alls engin krafa gerð um það.

Þegar þú hefur skráð eign og undirbúið hana er allt tilbúið til að taka á móti gestum og afla tekna!