Skilvirk samskipti við gesti

Það er undirstöðuatriði að gestir búi yfir mikilvægum upplýsingum fyrir innritun, eins og leiðarlýsingu og leiðbeiningum til að komast að eigninni. Grunnreglur gestgjafa gera ráð fyrir því að þú sért ávallt til taks til að svara spurningum gesta og leysa úr vandamálum sem geta komið upp eins fljótt og auðið er.

Vertu til taks ef gestirnir hafa einhverjar spurningar eftir því sem líður á dvölina. Fylgdu þessum ábendingum til að bregðast hratt við:

• Sæktu Airbnb appið á símanum og kveiktu á tilkynningum. Þú getur fengið tilkynningar með textaskilaboðum, tölvupósti eða beint úr appinu.
• Nýttu þér hraðsvör. Búðu til og vistaðu skilaboð þannig að þú sért með svörin á reiðum höndum um leið og gestur spyr þig algengrar spurningar.
• Prófaðu tímasett skilaboð. Með þessu tóli fá gestir sjálfkrafa send skilaboð á lykilstundum, eins og rétt eftir að hafa gengið frá bókun eða fyrir innritun.
• Fáðu samgestgjafa til að aðstoða þig við að svara gestum ef þú sérð fram á að geta ekki fylgst með símanum eða tölvupóstinum.

Sendu hlýlega kveðju í skilaboðum þegar gestur bókar hjá þér. Samkennd—og að draga ekki ályktanir úr lausu lofti—nær langt.

Mundu að hafa samband við gesti á þessum mikilvægu tímapunktum:

• Fyrir komu: Gefðu gestum skýra leiðarlýsingu og innritunarleiðbeiningar að minnsta kosti einum sólarhring fyrir áætlaða komu.
• Innritun: Vertu til taks til að gæta þess að gestirnir þínir komist inn í eignina og til að svara öllum spurningum sem kunna að vakna.
• Eftir fyrstu nóttina: Haltu samskiptum opnum með því að senda stutt skilaboð til að spyrja hvernig fór um gesti fyrstu nóttina og hvort þeir þarfnist einhvers.
• Fyrir útritun: Minntu gesti á útritunartíma og það sem þarf að sinna fyrir útritun, eins og að slökkva á ljósum og hita.
• Eftir brottför: Sendu stutt skilaboð í þakklætisskyni, en þá eru gestir líklegri til að muna eftir að skrifa umsögn.