Hvers vegna gestgjafinn gæti hafa hafnað bókunarbeiðni þinni

Ekki er víst að gestgjafar geti komið til móts við allar beiðnir sem þeim berast. Þess vegna fara sumir gestgjafar fram á að gestir sendi bókunarbeiðni. Eftir það hafa gestgjafar sólarhring til að svara bókunarbeiðni gests.

Ástæður þess að gestgjafar hafna stundum bókunarbeiðnum

Skilningur á því hvers vegna gestgjafar hafna bókunarbeiðnum getur hjálpað til við að búa gesti undir að ganga frá bókun. Hér eru nokkrar algengar ástæður fyrir því að gestgjafi gæti hafnað beiðni:

• Gestur hefur engar umsagnir eða neikvæðar umsagnir. Gestgjafar reiða sig oft á fyrri umsagnir gesta til að meta áreiðanleika og samrýmanleika við húsreglur sínar.
• Séróskir sem gestgjafinn getur ekki orðið við. Stundum eru gestir með séróskir sem ganga lengra en boðið er upp á í eigninni, svo sem snemmbúna innritun, síðbúna útritun, viðbótarþægindi, aukabílastæði eða gistingu fyrir fleiri en eignin leyfir. Gestgjafinn gæti hafnað beiðninni ef ekki er mögulegt að verða við þessum beiðnum.
• Dagsetningar eru ekki lausar. Af og til gæti bókunarbeiðni verið hafnað ef dagatal gestgjafans er ekki uppfært og dagsetningarnar eru í raun ekki lausar.
• Gestur er að bóka fyrir hönd annars aðila. Beiðnir sem lagðar eru fram fyrir hönd annarra, svo sem fjölskyldumeðlima eða vina, eru ekki leyfðar á Airbnb.
• Óljós samskipti eða skortur á gagnsæi. Beiðni um bókun án þess að gefa upp neinar upplýsingar, svo sem um hver muni gista og almennt um ástæðu heimsóknar, getur leitt til þess að bókunarbeiðni sé hafnað. Gestgjafar kjósa skýr samskipti og gagnsæi til að tryggja að dvölin samræmist væntingum gesta.

Þetta getur þú gert áður en þú bókar til að hjálpa gestgjöfum að kynnast þér betur

Hér eru nokkur atriði sem geta hjálpað þér að fá bókun staðfesta:

• Ljúktu við notandalýsingu þína á Airbnb. Ítarleg notandalýsing hjálpar til við að sýna gestgjöfum sem þekkja þig ekki að þú sért traustverðug og áreiðanleg manneskja og getur hjálpað til við að skapa það traust sem þeir þurfa til að taka á móti þér í eign sinni.
• Staðfestu auðkenni þitt á Airbnb. Ef þú hefur ekki notað Airbnb áður skaltu íhuga að fá staðfestingu til að auka traust.
• Sendu gestgjafanum skilaboð til að spyrjast fyrir eða láttu fylgja með upplýsingar þegar þú sendir bókunarbeiðni. Láttu gestgjafann vita hvers vegna þér líkar við eignina, hverjir munu gista með þér og ástæðu ferðarinnar ásamt öllu öðru sem þú telur mikilvægt að viðkomandi viti af.
• Lestu húsreglur og skráningarlýsingu gestgjafans og láttu vita af því. Ef þú hefur lesið húsreglurnar getur þú látið gestgjafann vita að þú hafir gert það og að þú munir fylgja þeim meðan á gistingu stendur. Ef þú hefur einhverjar spurningar um skráninguna getur þú sent viðkomandi skilaboð til að spyrjast fyrir.

Athugaðu: Gestgjöfum er ekki sýnd notandamynd gests þegar þeir svara bókunarbeiðni. Gestgjafar fá aðeins að sjá notandamynd eftir að bókun hefur verið staðfest. Kynntu þér nánar hvaða upplýsingar um gesti eru sýndar gestgjöfum áður en þeir samþykkja beiðni.

Gengið úr skugga um að höfnun bókunarbeiðna samræmist reglum okkar gegn mismunun

Gestgjafar á Airbnb verða að fylgja reglum okkar gegn mismunun, en þær fela í sér að leitast við að bjóða gesti úr öllum stéttum lífsins velkomna. Ef þú telur að bókunarbeiðni þinni hafi verið hafnað af ástæðu sem brýtur í bága við reglur okkar gegn mismunun skaltu láta okkur vita.