Notandamynd bætt við eða breytt

Hvort sem þú varst að bóka draumagistinguna sem gestur eða tekur á móti fólki inn á heimili þitt sem gestgjafi, getur skýr og greinileg notandamynd hjálpað til við að mynda traust og trúverðugleika. Hún er lykilþáttur þess að byggja upp gagnkvæmt traust.

Svona breytir þú notandamyndinni þinni

Myndataka með leiðsögn hjálpar þér að taka notandamynd eins og best verður á kosið

Þegar þú velur notandamynd færðu myndleiðsögn með gervigreind sem greinir stöðu andlits þíns og veitir þér ábendingar þannig að andlitið komi skýrt og greinilega fram.

Ábendingar gætu verið eftirfarandi:

• Myndavélin þysjar sjálfkrafa til að miðjustilla andlit þitt innan rammans
• Mælt með því að þú þysjir inn þannig að aðeins þú sjáist ef þú ert í kringum annað fólk
• Lagt til að þú setjir inn mynd þar sem andlit þitt snýr að myndavélinni
• Látið vita ef myndin er ekki nógu skýr
• Mælt gegn því að þú setjir inn mynd sem sýnir þig alls ekki, eins og t.d. mynd af landslagi eða dýri

Ábendingarnar eru ekki bindandi. Þú getur hunsað ráðleggingar okkar og bætt við mynd að eigin vali, passaðu bara að hún uppfylli viðmiðin í reglum okkar um efnisinnihald.

Hvenær myndum er deilt með gestgjöfum

Þótt notandamyndir gestgjafa séu öllum sýnilegar á Airbnb, þá sýnum við gestgjöfum ekki notandamyndir gesta fyrr en bókunin hefur verið staðfest. Hafðu einnig í huga að þótt við mælum með því að allir notendur Airbnb séu með notandamynd, er það ekki skylda fyrir gesti.

Þarftu að gera breytingar á öðrum aðgangsupplýsingum? Kynntu þér hvernig þú hefur umsjón með notandalýsingunni.