5 skrefa ferli Airbnb um ítarlegri ræstingar

5 skrefa ræstingarferlið er verklag varðandi þrif sem allir gestgjafar þurfa að fylgja milli gesta auk þess að fylgja landslögum og tilmælum.

Upplýsingar um hvernig best er að þrífa má finna í ræstingarhandbók Airbnb sem inniheldur ítarlega gátlista fyrir þrif.

Einnig má nálgast handbókina ásamt ábendingum, myndböndum og fleiru með því að opna innsýn > þrif í gestgjafaaðgangi þínum í vafra.

1. skref: Undirbúðu þig

Réttur undirbúningur getur gagnast þér og teyminu þínu að þrífa á skilvirkari og öruggari hátt. Gættu þess að:

• Loftræsta eignina fyrir og meðan á þrifum stendur ef mögulegt er
• Nota sótthreinsiefni sem staðbundin eftirlitsyfirvöld samþykkja til notkunar gegn COVID-19
• Lesa ávallt vandlega leiðbeiningar og viðvaranir á hreinsunarvörum
• Þvo eða sótthreinsa hendur

2. skref: Þrífðu

Þrif fela í sér að fjarlægja ryk og óhreinindi af yfirborðum, svo sem gólfum og borðplötum. Gættu þess að:

• Sópa, ryksuga, þurrka af og/eða skúra svæði fyrir hreinsun
• Þvo leirtau og lín á eins miklum hita og má
• Þurrka af hörðum flötum með sápu og vatni

3. skref: Hreinsaðu

Hreinsun felur í sér notkun efna til að minnka magn baktería á yfirborðum eins og hurðarhúnum og sjónvarpsfjarstýringum. Mundu að:

• Úða með viðurkenndum sótthreinsiúða á öll mikið snert yfirborð í hverju herbergi
• Láta sótthreinsiefnið liggja eins lengi og tilgreint er á merkimiða efnisins
• Láta yfirborð þorna af sjálfu sér

4. skref: Yfirfarðu

Þegar hreinsun er lokið er gott að tryggja að þú hafir ekki misst af neinu. Mundu að:

• Skoðaðu bestu starfsreglur á gátlista fyrir hvert herbergi í handbókinni þinni til að staðfesta að þú hafir ekki misst af neinu
• Deila þessum bestu starfsvenjum með gestgjafateyminu þínu og ræstitæknum

5. skref: Endurstilltu

Til að koma í veg fyrir víxlmengun er mikilvægt að ljúka við þrif og hreinsun herbergis áður en hlutir eru settir aftur á sinn stað fyrir næsta gest:

• Þvo hendurnar áður en þú gengur frá vörum fyrir gesti, líni og hreinlætispökkum
• Farga eða þvo hreinsi- og hlífðarbúnað á öruggan hátt
• Fara ekki aftur inn í herbergi sem hefur verið hreinsað
• Hreinsa búnað milli hverrar umsetningar

Áskilið fyrir alla gestgjafa

Gestgjafar sem samþykkja ekki öryggisreglur okkar vegna COVID-19, þ.m.t. 5 skrefa ferlinu um ítarlegri ræstingar, fá ekki að taka á móti gestum.

Samkvæmt þessum reglum verður að bera grímu og gæta nándarmarka þegar þess er krafist í landslögum eða tilmælum.

Gestgjafar sem brjóta ítrekað eða alvarlega gegn ræstingarviðmiðunum gætu fengið viðvörun, orðið fyrir tímabundinni lokun og í sumum tilvikum gæti aðgangi þeirra verið eytt út af Airbnb.